Alle samfunnsfelt - enten det er politikk, vitskap, kunst og kulturliv, økonomi eller anna - er i stadig større grad samankopla med mediefeltet.
På bachelorstudiet i medier og kommunikasjon lærer du korleis media kommuniserer og studerer forholdet mellom medieinstitusjonane, innhaldsprodusentane og brukarane. Studiet passar for deg som vil ha kunnskap om den sentrale rolla media speler i våre liv og samfunn, og muligheit til å fordjupe deg i område som strategisk kommunikasjon, sosiale medium, mediebruk, film, TV-seriar, dataspel, journalistikk og medieteknologi. Faget gir både innsikt i vilkåra som media har, og verktøy til å forstå korleis ulike medieuttrykk blir skapte, distribuerte, og mottatt.
